Mae lle balch i straeon am fudo yn hanes Cymru. O ddyfodiad ffoaduriaid Iddewig yn ystod yr Ail Ryfel Byd, i ailsefydlu ffoaduriaid o Syria, mae’r rhai sy’n ceisio noddfa yng Nghymru wedi cyfrannu at sawl agwedd o gymdeithas Cymru.

Mae’r cymunedau hyn wedi dod â thraddodiadau, sgiliau a safbwyntiau unigryw sydd wedi’u plethu i wead diwylliannol ehangach Cymru. Cerddoriaeth, bwyd, y gair ar lafar ac yn ysgrifenedig … byddai diwylliant Cymru heddiw yn anadnabyddadwy heb fudo.

Mae’r prosiect hwn yn bosibl oherwydd o’n cyllidwyr gwych – Cronfa Dreftadaeth y Loteri Genedlaethol.

Trwy eu cefnogaeth mae gennym gyfle i ddathlu ein hanes cyffredin. Rydym yn annog pobl i adrodd eu straeon eu hunain i gynnig naratif amgen i erledigaeth hunaniaeth ffoaduriaid. O Wythnos y Ffoaduriaid i’r Eisteddfod Genedlaethol, mae ein tîm yn ymgysylltu â phobl mewn digwyddiadau diwylliannol ledled Cymru i glywed beth mae mudo yn ei olygu i bob un ohonom.

Bydd ein prosiect yn un Cymru gyfan, gan ein bod yn credu bod gan ein gwlad gyfan gymaint i’w hennill o rannu straeon ymfudo. Gellir anfon ceiswyr lloches i unrhyw ardal o Gymru ac rydym yma i helpu cymunedau lleol i’w croesawu.

Rydym wedi darganfod bod gan ein cymunedau yr atebion. Drwy’r prosiect dwy flynedd hwn, byddwn yn cydweithio ag addysgwyr i gynhyrchu deunyddiau i hysbysu pobl ifanc am brofiadau ceiswyr lloches a ffoaduriaid.

Ble gallwch chi ddod o hyd i ni?

Dysgwch am ein digwyddiadau diweddaraf ar ein tudalen Newyddion.

Mae cymaint o gyfleoedd i gymryd rhan yn y prosiect cyffrous hwn a fydd yn dod â ni i gydweithio ag Undeb Rygbi Cymru, Llenyddiaeth Cymru, Amgueddfa Genedlaethol Cymru, ysgolion, a sefydliadau cymunedol ledled y wlad.

Rydym hefyd yn gyffrous i fynd ar daith o amgylch Cymru gydag arddangosfa gelf yn seiliedig ar y thema ‘Beth mae mudo yn ei olygu i chi’. Darganfyddwch fwy am ein gwaith gyda’r artist gweledol Alix Edwards a lle byddwn ni’n mynd gyda’r gwaith celf.

Credwn y gall Cymru ddod yn Genedl Noddfa gyntaf y byd. Mae defnyddio ein llais i gynnig dewis arall yn lle rhethreg negyddol sy’n rhoi bwch dihangol i’r bobl fwyaf agored i niwed yn ein gwlad yn fan cychwyn ar y llwybr hwn. Rydym yn gweithio gyda chymunedau mudol i adrodd straeon yn seiliedig ar ein gorffennol a rennir er mwyn helpu ni i newid ein presennol a’n dyfodol er gwell.