“Cyngor Ffoaduriaid Cymru yw dechrau diwedd y trawma. Dyma lle mae’r rhedeg yn stopio ac mae’r gwella yn dechrau.”

Rydym yn elusen gyda bron i 30 mlynedd o brofiad yn gweithio gyda cheiswyr lloches a ffoaduriaid yng Nghymru. Rydym yn cael ein hysgogi gan frwdfrydedd dros hawliau dynol, cydraddoldeb a chyfiawnder cymdeithasol ac awydd i wneud Cymru yn genedl groesawgar o noddfa i’r rhai sy’n ceisio ein hamddiffyniad.

Rydym yn helpu dioddefwyr artaith, erledigaeth a rhyfel i greu dyfodol yng Nghymru trwy wasanaethau cyngor, cefnogaeth ac eiriolaeth arbenigol. Rydym yn darparu cefnogaeth frys i’r rheini sydd yn y broses loches ac yn ceisio hwyluso’r newid i fywyd fel ffoadur.

Rydym yn grymuso ein cymunedau i leisio’u barn. Rydym yn ymgyrchu dros newidiadau i’r system loches a darparu llais blaenllaw i’r sector lloches a ffoaduriaid yng Nghymru.

Ni fyddai ein gwaith hanfodol yn bosibl heb gefnogaeth ein rhoddwyr, gwirfoddolwyr a phartneriaid. Darganfyddwch sut y gallwch chi neu’ch sefydliad gymryd rhan yma